"Жамбыл облысы әкімдігінің білім басқармасы Шу ауданының білім бөлімінің Міржақып Дулатұлы атындағы орта мектебі" коммуналдық мемлекеттік мекемесінде 16-желтоқсан Тәуелсіздік күні мерекесі аясында ағылшын тілі пәнінің ұстазы Қ.А.Назарованың ұйымдастыруымен 6 сынып оқушыларымен Елімнің бақытын тербеткен - Тәуелсіздік тақырыбында тәрбие сағатын өтті.

Ашық тәрбие сағаттарының мақсаты:

Елін, жерін, тілін құрметтейтін, өз отанын сүйетін азамат қалыптастыру, от жүректі өжет мінезді ұл — қыздардың ерлік істеріне мәңгі құрмет көрсетуге баулу. Тәуелсіздік мерекесінің маңыздылығын оқушы бойына ұғындыру.

Тарих бетіне үңілсек:

16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні. 1991 жылғы 16 желтоқсанда президент қол қойған Конституциялық Заңнан бастау алған тәуелсіздігімізге 32 жыл толды. Тарихқа көз жіберетін болсақ, Тәуелсіздік – 1986 жылғы Желтоқсан оқиғасында алаңға шыққан жастардың ерік-жігері, ең алдымен барша қазақстандықтардың арман-мұратының салтанат құруы.

Ұлттық мереке Тәуелсіздік-қазақ елі үшін жарқын болашақтың таңы атып, еркіндік пен теңдік есігін айқара ашты. ХХI ғасырдың ұлы жетістігі – қазақ халқы үшін егемендік алып, көк туымыз желбіреп, ата-бабаларымыз армандаған тәуелсіздікке қол жеткіздік. Сондықтан да, біз үшін Тәуелсіздік күні-ең қастерлі күн. Тәуелсіз елім деген жүрегімнен шыққан асыл сөзді мақтанышпен, асқақтықпен айта аламын. Ата-бабамыздың азаттық жолындағы ерен ерлігінің арқасында.

Тәуелсіздік – тартуы ол тәңірдің,

Тәуелсіздік – маңдайдағы бағым бұл.

Тәуелсіздік – сыбағасы халқымның,

Тәуелсіздік – таймайтұғын тағым бұл.