"Жамбыл облысы әкімдігінің білім басқармасы Шу ауданының білім бөлімінің Міржақып Дулатұлы атындағы орта мектебі" коммуналдық мемлекеттік мекемесінде “ТӨРТ ТОҚСАН-ТӨРТ ӨНЕР” ұлттық мәдени ағартушылық жобасы аясында 5 қазан - Ұстаздар күні мерекесіне орай ТӘРБИЕ бөлімінің ұйымдастыруыменҰстазы жақсының-ұстамы жақсы… тақырыбында ұстаздарға арнау кеші ұйымдастырылып, өткізілді. Мерекелік іс-шараға мектебіміздің ұлағатты ұстаздары мен оқушылары, ардагер ұстаздарымыз қатысты. Мектебіміздің директоры Сатыбалды Солтыбаев ұстаздарды кәсіби мерекесімен құттықтады. Кәсіби мереке қарсаңында жас ұрпақты білім нәрімен сусындатып, әрі өнегелі тәлім-тәрбие беріп жүрген ұлағатты ұстаздарға алғыс хаттар, ардагер ұстаздарымызға алғыс хаттар мен сыйлықтар табыстады.

Іс-шара барысында мектеп оқушылары өздерінің шығармашылық өнерлерін көрсетіп, ұстаздарға жылы тілектері мен алғыстарын білдірді. Оқушылар ән айтып, би билеп, күй тартты. Жиылған қауымға ерекше көңіл-күй сыйлады. Оқушылар өздерінің ұстазға деген сүйіспеншілігі мен сөздерін білдіріп, өнерлерін көрсетті.

Құрметті ұстаздар!

«Ұстаздық етпес жалықпас, үйретуден балаға» - деген ұлы Абай атамыз. Сіздер жас ұрпақтың санасына сыналай енгізетін тәлім - тәрбие, үлгі - өнеге өлшеусіз. Сіздер - жастардың болашағын айқындайсыздар, бүгін еккен дәндеріңіз ертеңгі жеңісті - жемісті күннің кепілі. Ұстаз болашақ азаматтарды ғана емес, бүкіл болашақ қоғамды қалыптастырады.

Ұстаз болу – жүректің батырлығы,

Ұстаз болу – сезімнің ақындығы,

Ұстаз болу – мінездің күн шуағы,

Азбайтұғын адамның алтындығы.

@oqu_agartu_ministirligi