Мақсаты: Оқушыларды қазіргі заман талабына сай терең білім алуға ынталандыру, мәдени құндылықтарды баланың бойына сіңіру. Жас ұрпақты туған жерін, туған елін құрметтейтін, саналы, ізденімпаз болуға тәрбиелеу.

Жиын барысында, мектеп директоры Сатыбалды Солтыбаев оқушылардың білім жетістіктері мен қоғамдық белсенділіктеріне тоқталып, түлектерге ақ тілегін айтты.

Салтанатты жиынның құрметті қонақтары ретінде ауыл әкімі Ильясов Нурлан Мырзакулович, ақсақалдар алқасының төрағасы А.Д.Еркешов, ата-аналар комитетінің төрайымы Б.С.Орманкулова және мектебіміздің ардагер ұстаздары шақырылды. Келген қонақтар оқушыларға сәт-сапар тілеп, ізгі тілектерімен бөлісті.

Жиында мектепті үздік бітірген оқушылар марапатталды. Мектеп түлектері өнер көрсетіп, би билеп, ән шырқады. Мектептің “Алтын кілтін” 11-сынып оқушысы Г.Қалтай өзінің ізбасары, оқу үздігі 10-сынып оқушысы Ж.Өрікбайға аманат етіп табыстады.